Beth os ydyn nhw'n teimlo bod yna wir rwystrau i gymryd rhan?

Dyma rai pethau y gallwch eu hystyried i oresgyn y rhwystr hwn:

Ydy eich lleoliad yn agos i gludiant cyhoeddus, mewn ardal sydd wedi'i goleuo'n dda ac yn rhywle y mae eich grwpiau targed yn teimlo'n gyfforddus ac yn ddiogel?
All pobl sy'n defnyddio cadeiriau olwyn neu gadeiriau gwthio, neu'r rhai sy'n cael grisiau neu drysau trwm yn anodd, ddefnyddio eich lleoliad?
All eich grwpiau targed fforddio i ddefnyddio eich gwasanaethau?
Oes gan eich grwpiau targed anghenion cyfathrebu penodol, megis iaith gymunedol, iaith arwyddion neu ddolen glywed?
Oes angen i chi gynllunio eich gwasanaethau o gwmpas gwyliau ysgol, gwyliau crefyddol neu gynnig rhai gweithgareddau y tu allan i oriau ysgol?
Oes angen cefnogaeth ar bobl gyda chyfrifoldebau gofalu, ar gyfer plant neu aelodau anabl o'r teulu?
Oes angen i chi ystyried anghenion deietegol oherwydd rhesymau crefyddol, diwylliannol neu iechyd, neu oherwydd bod pobl yn llysieuwyr?
A fyddai pobl o'ch grwpiau targed sy'n dod i mewn i'ch adeilad neu i'ch digwyddiadau'n teimlo'n gyfforddus a'u bod yn cael eu croesawu yno?
Oes angen i chi ddod o hyd i ffyrdd o roi mwy o gyfle i'ch grwpiau targed ddweud eu dweud ynglŷn â sut mae eich mudiad yn cael ei redeg?



Roedd cylch chwarae cyn-ysgol yn awyddus i sicrhau ei fod yn denu ac yn darparu ar gyfer plant ag anableddau. Roedd eisiau darparu cyfleoedd chwarae sy'n annog yr holl blant i gymysgu'n dda. Trwy drafodaethau gyda mudiad anableddau lleol a rhieni i blant anabl, roedd yn gallu datblygu rhaglen weithgareddau a ddarparodd ar gyfer plant anabl ac abl eu cyrff. Ystyriodd y rhaglen hoff bethau a chas bethau pob plentyn a'u hanghenion cefnogi penodol. Un o bwyntiau dysgu allweddol y grŵp oedd bod angen iddo fabwysiadu ymagwedd lai strwythuredig a meddu ar ddigon o staff, llawer o weithgareddau bach a chyfarpar chwarae a sefydlwyd eisoes ynghyd â hyblygrwydd o ran yr hyn yr oedd yn ei wneud.

Big Lottery Fund