Arweiniad
Llongyfarchiadau ar dderbyn grant gan y Gronfa Loteri Fawr. Un o amodau grant y Gronfa Loteri Fawr yw eich bod yn cydnabod eich dyfarniad yn gyhoeddus. Rydym wedi creu'r llyfryn yma i'ch helpu chi i wneud hynny, drwy roi canllawiau i chi ar sut i ddefnyddio ein logo buddiolwyr ar amrediad eang o ddeunyddiau, offer ac mewn digwyddiadau.
Drwy dderbyn eich dyfarniad yr ydych wedi gwneud ymrwymiad i ddefnyddio ein logo. Gall hyn ymddangos i fod yn lawer o waith ond dim ond defnyddio ein logo buddiolwyr ble bynnag a bo modd sydd angen i chi ei wneud. Trwy ddefnyddio ein logo gobeithiwn annog sefydliadau eraill i ymgeisio am arian ac i ddangos i'r cyhoedd ymhle a sut mae arian y Loteri Genedlaethol yn cael ei wario yn eu cymuned.
Dim ond prosiectau sydd wedi derbyn grant gennym a all ddefnyddio ein logo. Does dim ots faint o arian yr ydych wedi ei dderbyn nag ychwaith natur y prosiect. Gobeithiwn y byddwch yn ei ddefnyddio yn eang ac yn cyfeirio ato fel cydnabyddiaeth weledol o'ch llwyddiant.
Mae'r ddogfen yma yn egluro'r gwahanol ffyrdd y gallwch ddefnyddio ein logo. Yn ychwanegol, mae gan yr adran derbynwyr grant ar ein gwefan gyngor a syniadau i'ch helpu chi. Wrth greu'r canllawiau yma, ein nod oedd iddynt fod yn ddigon hyblyg i siwtio'r amrediad eang o brosiectau a fydd yn derbyn arian gennym. Os teimlwch nad yw unrhyw rai o'r deunyddiau sydd ar gael yn addas ar gyfer eich prosiect, cysylltwch â'n tîm marchnata yn marketing@biglotteryfund.org.uk. os gwelwch yn dda .
