Big Lottery Fund

Yn y Gronfa Loteri Fawr rydym yn diffinio hunanwerthuso fel a ganlyn:

Gwerthusiad o brosiect sy’n cael ei gyflawni neu ei gomisiynu gan y rhai sy’n rhedeg y prosiect. Mae’n golygu y byddant yn casglu ac yn defnyddio data i ateb eu cwestiynau eu hunain o ran ansawdd, gwerth a chyfeiriad eu gwaith, ac i reoli eu perfformiad.

Pam mae hunanwerthuso’n bwysig ar gyfer prosiectau

Mae hunanwerthuso’n cymryd amser ac ymdrech, ond yn eich galluogi i:

• ymchwilio i’r rhesymau pam mae pethau’n gweithio’n dda (neu pam nad ydynt yn gweithio’n dda) a gwneud newidiadau er mwyn i chi gyflawni eich canlyniadau’n well.
• casglu gwybodaeth a fydd yn eich helpu chi i adrodd i arianwyr ac eraill.
• nodi arfer da a helpu prosiectau eraill i wella’r ffordd y maent yn gweithio drwy gyhoeddi canfyddiadau eich gwerthusiad.
• creu diwylliant o fyfyrdod a dadansoddi o fewn eich sefydliad sy’n helpu pobl i wella ansawdd eu gwaith.