Big Lottery Fund

Chi sy’n penderfynu a ydych am gomisiynu gwerthuswr allanol neu gyflawni hunanwerthusiad eich hun gan ddefnyddio eich tîm prosiect a’ch adnoddau eich hun.

Neu efallai y byddai’n well gennych ddefnyddio cymysgedd o’r ddwy ymagwedd.  Mae manteision pob ymagwedd fel a ganlyn:

Manteision gwneud eich hunanwerthusiad eich hun:

• Mae gennych chi a’ch staff wybodaeth fanwl am sut mae eich sefydliad yn gweithio Rydych yn sensitif i anghenion eich prosiect a’i ddefnyddwyr
• Mae’n galluogi eich staff i ddysgu sgiliau newydd
• Mae’n annog myfyrio a dysgu gweithredol gan y rhai sy’n cymryd rhan, sy’n fwy tebygol o arwain at newid yn eich sefydliad
• Byddwch yn arbed ar gostau’r prosiect.

Manteision comisiynu asiantaeth allanol i wneud yr hunanwerthuso:

• Bydd y gwerthusiad yn cymryd llai o amser staff
• Gall cyfweleion siarad yn fwy agored
• Mae’n bosib y bydd gwerthuswyr allanol yn ei chael hi’n haws nodi gwendidau
• Mae’n osgoi gwrthdaro buddiannau gan fod y gwerthuswyr yn annibynnol
• Bydd gan arbenigwyr sgiliau gwerthuso
• Mae’n bosib y bydd pobl eraill yn ystyried bod y canlyniad terfynol yn fwy gwrthrychol/credadwy.